بقلم /هبه المنزلاوي
مهما العمر ضيعنا
هننسي كل أحزانا
ونقفل باب أوجاعنا
ونبني الحلم بإيدينا
ونعيش من تاني حياتنا
هنتحدي كل ظروفنا
والخوف اللي دمرنا
ونفتح باب الأمل جوانا
ونزرع في قلوبنا سعاده
تدوم ويا الأحلام
ونقول قادرين علي الأيام
ونطير ورا الأحلام
وقلوبنا جواها سلام
من غير أحزان ولا أوجاع
من غير يأس هدام
نرسم بسمه تحيينا
وقلب م المحبه يروينا
وروح صافيه تنقينا
من سواد الليل وماضينا
وحياه ياما تبكينا
هندوس علي كل ما فينا
ونبدأ من تاني أغانينا
ونسبح في نهر أمانينا
وقلوبنا بالحب تنادي
وتقول ارجع يا زماني
ونعيش العمر من تاني
