شعر/ جيهان النجار
ومش هاكتب
قصايد شعر من تاني رومانسية
ولاحتي هاروح
لحروف
تشوف الحب
ف عينيه
عشان فيه
حروف عفاريت شقية
وبنت جنيَّة
بتفهم يعني ايه الحب….. عارفة القلب
عامل قد ايه فيا
كفاية كلام من اللي بيمشي برجله ع المية
كلام واصل وله كرامات سليم القصد والنية
َكلام مبروك تقلب فيه يزيد العشق يبقى بطاقة شخصية
انا بطلت شعر
غرام
هابدل كلمتي
الغام
افجر روحي ف الغربة واقطّع شوقي وطنية
حبيبتي الفكرة
مجهولة
هاجربها مابين
الأصل… والصورة
هامررها علي معنى يكون فيه الوطن
ملكي
يكون الأمر فيه
شوري
يكون الحب فيه
شرعي …..بحرية
أنا بطلت شعر نساء
معادش ف القصيدة حياء
هاقول الحق من عند الألف……… للياء
مادام سكتو…. الأفندية
