كتب // فتحى الشرقاوى
بدأ يظهر في الأسواق.
بس صناعه صيني أو تايواني مضروبه
😂😆..انها (اخت الزوج الكبيرة )…
بدل ماتصاحب مرات اخوها ويبقوا حبايب
عامله فيها حماتها…
عزيزي الزوج..يعني ايه..اختك..
نازله على الفاضي والمليان..
في انتقاد مراتك والسخرية منها..
ومعاملتها أسوء معاملة.
وكمان منصبه نفسها وصيه عليها…
كأن الولية مراتك الجارية اللي ابوك جابهالك ليك ولأختك
وبتدي لنفسها الحق في التدخل في كل شؤن مراتك المنزليه.
حتى تربيه مراتك لعيالها الصغيرين.
اختك المحروسه ماسابتهاش ودخلت فيها
وهاتك يانقد وملاحظات وتشكيل وتعديل
مين اللي سمح لها تفرد جناحيها بالشكل ده على مراتك.
ياريت تعترف وتقول انا المسؤل…..
لأنك لو مااعترفتش بكده..
يبقى عندك حول في عينيك وكساح في دماغك
عزيزي الزوج…
ماتخليش اختك تتدخل في اللي مالهاش فيه
مراتك متجوزاك انت..مش متجوزه اختك
أختك كده بتعمل توتر للست مراتك.
والتوتر ده هيتحول عليك..أردت أن لم ترد
ان جيت في صف مراتك..
اختك هتسيحلك الدنيا وتفضحك..
وتقول مراته ممشاياه ومش قادر يحكم مراته
وان جيت في صف اختك …
مراتك هتسيحلك وتفضحك.
وتقول ماعندكش شخصية ودلدول لاخته
طيب ماتريح نفسك
وقول لأختك تبعد عن حياتكم
وتروح تخليها في حياتها ومشاكلها هى.
مش كده ولا إيه…
ياترى فهمت ولا لسه.
باين عليك مش فاهم يانصه👹
