غير مصنف
مين فيهم خايف عليك
مين فيهم خايف عليك
بقلم مصطفى سبتة محافظه الشرقيه
اقفل على نفسك وارتاح
دايما خليك غير متاح
كلامهم هيزيدك جراح
وانت مش ناقص جروح
شايف الناس من حواليك
مين فيهم خايف عليك
مين خد مره بايديك
وانت بطلع فى الروح
ده الكل حاوى مخاوى
وانت ضعيف بينهم
طبطب على نفسك وداوى
مستنى ايه منهم
اقفل على نفسك وارتاح
دايما خليك غير متاح
كلامهم هيزيدك جراح
وانت مش ناقص جروح
خلى صورتك قدام عنيك
احكي لها على كل ال فيك
هى بس ال هتحس بيك
صدقنى غيرها لا مفيش
كل ال حواليك حبة صور
هيغيبوا وقت ما تنكسر
مش هتلاقي لهم ابدا اثر
فغمض عنيك واحلم وعيش
ده الكل حاوى مخاوى
وانت ضعيف بينهم
طبطب على نفسك وداوى
مستنى ايه منهم
اقفل على نفسك وارتاح
دايما خليك غير متاح
كلامهم هيزيدك جراح
وانت مش ناقص جروح 
