مواويل
بقلم محمودالدخميسي
يا زارع الشر.
ليه تدمر غصون الخير
رب العباد. خلق الشجر
لأجل تسكنه الطير
عصفور. من ظلم البشر
ريشه وقع
وصوت الشر ارتفع.
فينكم. يا أهل الخير
يالليل يامداوي المجاريح
ياسكن لكل غاوي
علي ضي قمرك ونجومك
أنا كتبت غناوي
يالليل يامداوي المجاريح
مع نجومك حكيت الحكاوي
وحشني أبو قلب خاوي
علي بلدك قاصد وناوي
وفي حبك غنيت الغناوي
وليك أنا عاشق وهاوي
وحبي ليه يساوي
يالليل يامداوي المجاريح
يالليل يالليل يالليل
من غدر الزمن حاسب
مهماً كانت المكاسب
من قليل الاصل حاسب
ولايغرك يوم أصحاب المناصب
وانت بتعاملهم حاسب
بالأخلاق. تكسب المكاسب
وبالضمير. تجي المناصب
ولعملك لازم تكون. حابب
واحذر. غدر القرايب
واتقي ربنا في صغرك
ربنا يبارك في شيبتك
من غدر الزمن حاسب
………………….. يالليل يالليل يالليل
زمن وفيه عجائب
الكل للمال حابب
زمن. وفيه غرائب
والناس بتفرح في النصايب
الكريم يجود. بجود الموجود
والعويل. ينكر وجود الموجود
ولسانه جاهز بالردود
والبخل معاه عدي الحدود
وبينه وبين الناس سد
ولا يحب يوم حد
ولا يعيش. يوم جد
ودايما قاطع الود
بينه وبين أي حد
……………………. يالليل يالليل يالليل
ياعاشق القمر وليله
وسهران الليل بطوله
ود علي. حبيبك وزوره
واستناه مسيره
يجي دوره
وداري علي صاحبك وعيبه
مسيره جي دوره
وحبيبك إللي تحبه
اخلص ديما لحبه
وصرحه انك بتحبه
يالليل يالليل يالليل
…….
أنا امرأة حره حره
وصفوني بالجنون
وجعي في قلبي مكتوم
ولاكن جمالي. في قلب
قلب ينبض حبا. دون خصوم
حرة أنا
ولكرامتي أصون
أنا. البتول المصون
يسكت لساني
والصمت. يصاحبني
لاكنني أتحدث بهمس العيون
يا لليل. يالليل يالليل
يالليل
مجمع الاحباب
فيك تحلا لمة الصحاب
