تقرأ لك /إيمان صلاح
تقول فيرا روسية الاصل المهاجرة الي مصر عن أهمية الخبز و كيف انها وجدت المصريين لا يتعاملوا مع الخبز بطريقة لائقة
تقول فيرا ” اذهب بنفسي يوميا لشراء الخبز وهو طالع من الفرن سخن..و في يوم دخلت لقيت الفرن واقف وخبز معروض على الرف، كنت بحاول اشجع نفسي اخد منه، حتي ووجدت شخص جاء ووضع يده على الخبز كله رغيف رغيف.. زعلت وروحت عجنت عجين وخبزت عيش لأولادي في البيت .
في روسيا بنتعامل مع الخبز بطريقة تانية.. بنحترمه جدا، عارفين انه أهم أكل ربنا خلقه.. المحلات بيكونوا معلقين ملقاط او معلقة بسلسلة لو حد عاوز يشوف الخبزطري ولا لا يستعملها.. ممنوع يلمس العيش بإيده وخصوصا بعد كورونا.. او الرغيف بيكون مغلف، او قبل لمسه نلبس قفاز..
لينينجراد مدينة اتحاصرت 3 سنين.. 900 يوم.. أطول حصار في تاريخ البشرية.. حصل مجاعة.. الناس كانت بتموت في الشارع من الجوع، الدولة عملت بطاقة لكل واحد له 125 جرام خبز في اليوم.. حاول استالين يرمي القمح بالطيران معرفش، فكان بيرسله في الشتاء بعربيات تمشى على سطح بحيرة متجمدة اسمها لادوجا.. وفي الصيف بمراكب لما الثلج يذوب فيها، وكان طيران هتلر كل شويه يضرب العربيات والمراكب بالطيارات، مات بسبب نقص الخبز اكتر من 600 الف روسي، غير ال ماتوا بسبب قصف 9 ساعات يومي، ومات في معركة تحرير لينينجراد 2 مليون ونص روسي..
بعدها عرفنا قيمة الخبز.. مش بنرمي منه اي قطعة لإننا بنشتري على قدنا بالظبط، وبنمسكه ونتعامل معاه بطريقة تليق بقيمته.
