مقدرش اعيش من غيرك

مقدرش اعيش من غيرك

خواطر/ دعاء محمد الشكلي

ساعات بحس إن الناس اللي بتسيب بعض وبترجع بعد فترة

بتكون نسبة نجاح علاقتهم وإستمرارها أعلى من العادي .. إتنين إتعودوا على

عدم وجود بعض في حياة بعض .. خدوا قرارات و واجهوا مواقف وعدوا بمشاكل

وأزمات لوحدهم .. عاشوا أيام وأسابيع وشهور مش معتمدين على إن الشخص

التاني موجود وبيسند وبيساعد .. خدوا وقتهم وقيموا الوحش والحلو .. عرفوا

يفرقوا بين إنهم عايزين الشخص ده علشان بيحبوه ولا علشان متعودين على

وجوده .. ومابقوش عايزينه يرجع علشان مش قادرين يعيشوا من غيره .. لا هم

قادرين .. بس مش عايزين.

اللي بجد بيقرر إن خلاص كل شئ إنتهى ولازم يمشي بيمشي .. من غير

مايفكر أو يبرر هو ماشي ليه .. من غير ما يتكلم ويتناقش في مسببات ونتائج ..

بيبقى خلاص جاب جاز .. وقت الكلام بالنسباله خلص .. فـ بيمشي ومابيبصش

وراه .. لكن اللي تلاقيه جاي بيشرح أسبابه والضغوط اللي وصلته لقراره

وأصلك عملت وأصلك قولت بيبقى أبعد مايكون عن إنه عايز يبعد .. بيبقى

مستنيك تمسك فيه و تقوله أنا أسف .. أنا هاعمل اللي انت عايزه .. أنا

ماقدرش أعيش من غيرك .. بيبقى مستني أي حاجة تخليه يرجع في كلامه زي العيال الصغيرة

طول مانتوا بتهددوا وتتهددوا .. بتتعاتبوا .. بتتخانقوا .. بتشدوا في شعور بعض

.. كله هايبقى كويس .. ماتخافوش بجد غير لما تسكتوا .. والكلام يبقى

مايساويش المجهود اللي هاتبذلوه علشان تقولوه .. ساعتها بس اعرفوا ان

فعلاً كل حاجة إنتهت.

 
 
 
مقدرش اعيش من غيرك