مشوار مع البطل المصرى الذى شارك فى البطولة العربية للملاكمة

كتب/ عمرو البوشى

اللاعب ابراهيم محمد ابراهيم لاعب فى مركز شباب الجزيرة شارك فى البطوله العربية للملاكمه وحصل على المركز الثالث المدالية البرنزية هذا العام والمقامة فى المركز الاوليمبى فى المعادى وكانت البطوله تضم ١٤ دولة مشاركه وبسال الاعب أنت مواليد كام؟
مواليد عام ٢٠٠٢
انت اخدت ميدالية اية في البطوله العرب وأخذت ميداليات قبل كدا؟
خدت ميداليه برونزيه بعد الفوز علي بطل تونس و الخساره في قبل النهائي مع بطل الجزائر صاحب الذهب و الحمدالله كانت نتيجه قريبه و بلعب و انا مصاب .. دي اول بطوله دوليه العبها لكن انا بطل مصر لاربع سنوات متتالية
طموحك ايةوالبطولات الجاية امتي؟
طموحي اني انشاء الله العب بطولات دوليه اكتر اهمها العالم و الاوليمبياد و افريقيا و انشاء الله هكون جاهز ليهم بالتدريب و الاجتهاد … انشاء الله اكون ضمن المعسكر التبادلي مع بيلاروسيا في شهر ٧ لكن لسه مفيش بطولات الفتره ديه …
الاتحاد موفرلك كل حاجة؟ وانت بتلعب ف نادي ايه؟
اه طبعا الاتحاد موفر كل الدعم للفريق سواء فني او معنوي و بشكر د.محمد عبدالعزيز غنيم رئيس الاتحاد المصري للملاكمه و هو كان موفرلنا كل الدعم في معسكر الاعداد للبطوله العربيه … الاول كنت بلعب في مركز شباب حدائق القبه تحت ايد كابتن سيد شعير و كابتن ادم طبعا الشكر ليهم لكن دلوقتي انا بلعب في مركز شباب الجزيره
ازاى تم الاعداد للبطوله ؟
انا بتمرن بقالي ٨ سنين و كان في النادي بنتمرن تمرين علي اعلي مستوي علشان نطلع البطوله سواء الجمهوريه او القاهره اي بطوله محليه نشارك فيها نظهر باعلي مستوي و بعد انتقالي للجزيره بشكر الجهاز الفني و الاداري في مركز شباب الجزيره بقياده دكتور ضياء العزب رحمه الله عليه ^عميد كليه تربيه رياضيه جامعه حلوان^ و دكتور محسن رئيس جهاز الملاكمه بالنادي و المدير الفني كابتن رضا انور و المدربين كابتن ايهاب و كابتن رزق و كابتن احمد دياب…
والأجواء ف البطولة كانت ازاي؟
الاجواء كانت موتره علشان اول بطوله دوليه و اني بمثل مصر و لازم اظهر باعلي مستوي بس ده كان حافز لينا و اتعاهدنا اننا نجيب مركز اول علي المنتخبات العربيه و الحمدالله كنا علي قدر المسئوليه و حصلنا كأس المركز الاول
كان في عقبات شوفتها ف البطولةوأشرس منافس كان مين؟
اشرس ملاكم كان بطل تونس اللي لاعبته في الدور ثمن النهائي بس الحمدالله فزت عليه و بطل الجزائر برضو كان قوي بس لولا الاصابه كنت فزت عليه بس الحمدالله علي كل شئ و شرف لاي حد انه يمثل منتخب مصر و الحمدالله انا حققت ده و انشاء الله اقدر ارفع علم مصر وسط بلاد العالم و كمان في فتره الاعداد احنا كنا معسكرين ١٥ يوم مع منتخب بيلاروسيا استفدنا منهم خبرات كتير