مدوريش في قلبى بقلم الشاعر محمد سعدون

بقلم الشاعر محمد سعدون

مدوريش جوه قلبى ——- مش هتلاقي صورتك فيه

انتي الى بعتى غرامى —— وجرحتى الفؤاد وخونته

بعتى القلب الى حبك ——- واتمنى فى يوم اوربك

كان نفسه يكون جنبك —– ويسعد قلبك وتسعديه

قلبي الى كان ليكى —— زرع الغرام فيكى

رسم الفرحه فى عنيكى—— كان نفسه تحنى عليه

بنظره من عنيكى——- او لمسه من اديكى

كان قلبي بيفرح بيكى ——– وكفك في كف ايديه

لاكنك اطفتى الورد ——– وجرحتى الفواد وانهد

بياض قلبك خلاص اسود —— ومباش للغرام مكان فيه

بعتى العهد الى كان بنا —- واحلمنا وليالينا و ايمنا

وفرحتنا وغنوتنا وضحكتنا —— والشوق وطول لياليه

رميتى الورد من ايدك —– يوم فرحك وىوم عيدك

وغرامى الى كان فى وريدك —– من غير تمن بعتيه

بعتى العمر الى عدي وفات —– والامانى والزكريات

دفنتى الغرام فى سكات——- والشوق واحلى ما فيه

خلاص قلبى هينساكى ——- ولا ليكى ولا معاكى

هيمسح كل زكراكى —— وصورتك وكل ما فيه

وقمرنا مش هيغيب ——– وبكره جى الف حبيب

وهلاقى لقلبى طبيب ——– يدواى القلب ويشفيه