مجرد _خاطرة

كتب- فتحي الشرقاوي

ياريتني كنت اخدت #قراري ساعتها..
قد إيه أنا ندمان والشعور بالحسره هيموتني
ناس كتير…شخصياتهم
ونتيجه لترددهم وعدم قدرتهم على اتخاذ القرار المناسب.
في الوقت المناسب بتضيع من أيديهم #فرص.
كانت كفيله بأن تغير مسار #حياتهم كثيرا للأفضل
لو كانوا أخذوا قراراتهم في #وقتها.
عارف إنت ليه ممكن تكون شخصية مترددة
هقولك بعض أسباب ترددك ..
يمكن تقدر تعاود التفكير وتتخلص منها.
أولا…
عدم #ثقتك بنفسك وحديثك الدائم الداخلي لنفسك..
الذي يتسم #بالسلبية والانهزامية…
وده بيزود #القلق والخوف اللي جواك…
وبيدفعك لعدم #الإقدام على إتخاذ قرارك
جرب مره كده في موضوع انت متردد فيه
وخلي حديثك عنه جواك إيجابي…
بمعني تتصور وتتخيل الإيجابيات والمميزات
اللي ممكن تحصلك لو اخذت قرارك فيها.
ساعتها هتلاقي دافعيتك للإنجاز ..
إرتفعت بشكل ملحوظ.
وبعدها هتاخد قرارك وأنت مطمئن
جرب..مش هتخسر حاجه
ثانيا… ماتخليش #كلام الناس اللي حواليك
يأثر فيك ويخليك تتراجع…
الناس دي قد يكونوا مش #حاسين
بدوافعك ورغباتك وآمالك وطموحاتك..
الناس دي #سماتها #وقدراتها قد تكون مختلفه عنك
الناس دي ممكن تكون مش عاوزاك #تتقدم.
الناس دي ممكن يكونوا #بيحقدوا عليك..
عاوز تستشيرهم من باب التأكد..
مفيش مشكله..لكن ماتخلهمش يسيطروا عليك
ثالثا…
عاوزك ترجع #بالذاكرة وراك..
وتشوف كم الخسائر اللي حصلتلك ..
نتيجة ترددك وعدم حسمك للموضوعات
وقارن نفسك بغيرك اللي حقق إنجازات..
مع إنك ممكن تكون #أكفأ #وأفضل منه بكثير
وقول لنفسك… انا مش أقل منهم…
وهثبت لنفسي إني ممكن أكون الأفضل
حاول..ولا تيأس..كل شيئ قابلة للتعديل والتغيير..
حتى لو كانت صفاتنا وخصائصنا الإنسانية.
بس أهم حاجه توفر الإرادة..
قول لنفسك….أنا اقدر..