ليه يادنيا للشاعر جمال عز الرجال

للشاعر جمال عز الرجال

ليه يادنيا كل ماقرب منك تبعدى
وأما الاقي الحظ فيكى بتجرحينى
يادنيا ليه فهمينى
ليه بطاوعك ،،،وأبقى حابك
واللى عايش ،،،فيكى عافية
تفتحيلوا بسرعة قلبك
والصحاب بتخون وتكذب
والحبيب بيخون هواه
واللى يصدقلك بيتعب
والعذاب دايما وراه
جننتينى خلاص يادنيا
فهمينى الحق فين ؟
حلمي عمره يضيع فى ثانية
هو ليه طبعك حزين
نفسى الاقى الحظ فيكى
ارحمينى حرام عليكى
حذرونى أهلى منك
نفسى الاقى الراحة ثانية
ليه يادنيا
ليه بنحلم حلم ميت
واللى يفضل ليا جرحك
ارحمينى شوية يمكن
بعدها اقدر اسامحك
نجرى فيكى مهما نجرى
بس فى الآخر بنتعب
مش بناخد أى مكسب
نفسى الاقى فيكى صاحب
أو حبيب ويصون هواه
نفسى الاقى حد مخلص
اقدر اتكلم معاه https://www.elmasryeldemokraty.com/%D9%84%D9%8A%D9%87-%D9%8A%D8%A7%D8%AF%D9%86%D9%8A%D8%A7-%D9%84%D9%84%D8%B4%D8%A7%D8%B9%D8%B1-%D8%AC%D9%85%D8%A7%D9%84-%D8%B9%D8%B2-%D8%A7%D9%84%D8%B1%D8%AC%D8%A7%D9%84/