إبنك يستحمي ف الشتا ع الأقل مرة ف الأسبوع.
البرد مش من الحموم.
ميه فاترة أو دافية….. محدش مات ولا قلبه وقف من الميه الساقعة
حتى لو كل يوم ..
متتحججيش بأي حاجة … حضرتك مش بتحميه في البلكونه مثلا.
طفلك بيعرق يبقي ضروري ياخد شاور ويشرب
شاور مش قطنة ناشفة عليها نقطتين ميه
وايبس استحالة.. دي اسمها مسح مش شاور
في الحمام … أو أوضة النوم … بلاش موضوع حرام ومينفعش طفل يصرخ في الحمام … طفلك بيصرخ إثبات وجود مش أكتر…..
ع الحوض أو في البانيو أو طبق البلاستيك عندك … مش حوار …
الناس بتستحمي في كل الدنيا نظام حياة. وأحنا هنا بنعمل ليه مراسم واحتياطات .. حاجه تزعل
لكن …. اتعلمي قبل م يدخل علينا البرد واسمع أساطير عن الأطفال اللي بتغير الحفاضه ع الناشف والوايبس .. ابشركم..دا اللي بيجيب النزلات الشعبية.
طفلك يلبس و يعيش و يتعامل معاملة بني أدمين …. أو حتي معاملة الحيوانات الأليفه ف البيت .. بلاش معاملة الماما الجديدة لنونو وهي خايفه تلمسه أول ٦ شهور
