لا تهدأ أزمات مطربي المهرجانات، ومؤخرا اشتعل خلاف كبير بين حمو بيكا وعمر كمال على صفحات السوشال ميديا.
وكتب حمو بيكا عبر صفحته على فيس بوك: “ياريت محدش يكلمني في شغل علي الشخصية دي عشان أنا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو.. وهو عامل بيحبني وهو بيكرهني.. مع السلامة يا صحاب مزيفة”.
وخرج حمو بيكا في فيديو له، وقال :”انت كذاب ، وانت اتفقت معايا على شغل ولم ينفذ، ازاي تأخذ فلوس وانت بتتهرب، والمهرجان الآخر انت مشارك فيه بشيء لا يذكر عشان تأخذ فلوس لازم تشتغل “، وهدده حمو بإغلاق قناته.
وأضاف: “انت عايز تخرج نفسك من المهرجانات ، غنيت مهرجانات ليه ،انت لم تعرف إلا من هذا اللون، وانا عايزك تغني من غير حسن شاكوش لوحدك ، انا عايزك تنزل ليك أغنية وتنجح وانت مزيف وبتغني بصوت مزيف “.
ورد عمر كمال على حمو بيكا في فيديو له: “انا محترم جدا ومش برد بنفس الطريقة، وعمر كمال يا بيكا الذي تقول أنه بيجمع فلوس، كل التراكات أنا سايبها ليك تاخد منها فلوس”.
وتابع: “أنا عايز أعمل فن كويس زي عود البطل، وبنت الجيران، والمفروض والأصول تسأل عمر كمال عايز كام لما يجي شغل، زي ما أنا بعمل معاك، أنا طول عمري بديك الأغاني.. عمر كمال اللي بتتكلم عليه هو اللي بيكلم الأستاذ هاني شاكر في النقابة وبيحاول يحل مشكلتك، عيب يا بيكا تتكلم كده”.
وأضاف: “كل أصحابك كانوا بيهربوا منك ، بس انا كنت بكلمك وبقف معاك، وتراك انت معلمة ذهبت للنقابة وحاولت أقنعهم به”.
وأكمل: “الناس بتقول انتوا بتتخانقوا على فلوس لا ده أكل عيش وفي ناس بتشتغل معانا”.
وكان مطرب المهرجانات “حمو بيكا” قدم دويتو مع المطرب عمر كمال، لأغنية تحمل اسم “فلوس فلوس” عبر موقع الفيديوهات الشهير “يوتيوب”.
ثم عاد التعاون بينهما من خلال “انت معلمة” الذي طرح منذ أكثر من شهر، وحقق 8 ملايين مشاهدة عبر قناة عمر كمال الرسمية.
