لا بد القضاء علي البلطجه لا سيما في عهد الرئيس السبسي

لا بد القضاء علي البلطجه لا سيما في عهد الرئيس السبسي
كتب نظير فؤاد
علي لسان ياسمين المنس
انا عايزة كلامي ده يلف الفيس كله ارجوكم انا عاوزة الناس تساعدني اللى ليها اخ ظابط او زوج او ابن ساعدوني انا بنت خريجة اداب انجليزي و بحضر ماجيستير دلوقتى انا من بورسعيد و اللي متقطع ف الصور ده اخويا الصغير اللي طلعت بيه من الدنيا ملوش في اي حاجة خالص سمعته طيبة جدا بشهادة كل الناس من فترة نقلنا روحنا شقة جديدة و الشقه دى ف الدور الاخير و قصادنا ساكن واحدة ست و معاها ٤ اولاد و بنتين و يشهد الله ان امي كانت بتعاملها احسن معامله و بتساعدها مادياً كمان لانها كانت بتظهر انها غلبانه و بتعول يتاما و في يوم قررت تبنى اوضة فوق السطح من غير رأي حد عشان تربي فيها طيور تاكل منها عيش و بلغنا الحي و الحي جه بس نزل و معملهمش حاجة و تلف الايام و يظهر انها مش نضيفة تماما و بدأنا نتضرر احنا و سكان العمارة من الروائح الكريهه و الزبالة اللي طول الوقت جمب شقتنا و ريحتها طالعة علينا و غير الازعاج من الساعة ٦ الصبح هي و اولادها بابا و ماما اتكلمو بالحسني كتير انها بس تنضف وراها اي حاجة بتعملها و مافيش فايدة في مرة بابا راجع من الشغل لقي زبالة كتير أوي قدام شقتنا و اتضايق جدا و نادي علي مامتى و قالها تعالي نضفي القرف ده وامرنا لله…. يصادف ان ابنها الكبير واسمه محمود المزاحي فوق السطح نزل علي والدي و شتمه و قاله قرف ايه والموضوع وصل لانه جاب السكينه و جاي يتهجم علي والدي قدام كل سكان العمارة و الموضوع هداا بعدهاا اخويا عرف اللي حصل و في مرة قابل محمود و هو طالع البيت صدفه قاله ينفع تشتم راجل قد والدك قاله اه عشان هو مش راضي يريح دماغه و كل شوية يتكلم علي النضافه. اخويا قاله ماهو معاه حق. راح رد محمود و قاله لا احنا خط أحمر و انت وابوك لسه متعرفونيش و هدده و قاله بلاش احنا انتو مش قدنا و هتشوف… تاني يوم بظبط اتفق هو واخوه احمد المزاحي و استنو اخويا علي السلم و هو راجع من شغله بليل و قطعووه بالشكل ده و راح محمود عور نفسه و عمل محضر ان والدي اعتدي علي مامتة جنسيا و اتهجم عليها عشان كده عوروة كده وراحوا دفعة فلوس و خلو التقرير الطبي يتكتب فيه علاج اقل من ٢١ يوم الكلام ده كله كان يوم ٢٥-٩-٢٠١٨ الساعة ٩ ونص بليل ومن ساعتها لحد دلوقتي القضية شغاله و كل شوية يتعملها مد اجل للحكم ليوم الخميس اللي هو بكرة…
اللي خلاني اتكلم ان النهاردة الصبح الساعة ٦ ونص التلات اخوات #البلطجي محمود و احمد و محمد المزاحي يستنوا اخويا علي الشارع و يتهجموا عليه و قطعووه نفس التقطيع ده و يهربواااا و اخويا دلوقتي في المستشفي يرضي مين ده و ليه شوية بلطجية يعملووو كده في اخوووووياااااا
انا بكتب اهوووو ومش ضامنة يعملو فيا حاجة انا عاوزاكوااا تساعدوووني هو اللي ملوش ضهر في البلد دي ميعرفش ياخد حقه بما يرضي الله… يعني مفروض نعيش في زبالة قدام بيتنا و نرضي بالأمر الواقع منفتحش بوقنا
انا عايزة #حق_اخوياااااا ساعدوني بشير.