أدب
قلم رصاص بقلم إبراهيم فرحات
قلم رصاص
إبراهيم فرحات
الجزء الأول
الحكايه من البدايه كانت قلم رصاص
قلمي سلاحي بعبيه كلام رصاص
حاجات كتير ما كنتش عجباني
وقتها كان عقلي شكل تاني
كنت رافض حاجات كتير
كنت رافض فكره التغير
وعلى رأي المثل الشهير
شالوا ألدو وحطه شاهين
البدايات جميله مش في العلاقات وبس
فى الشعر والرياضه والسياسه
حتى في كرسي الرئاسه
عشر سنين..
عشر سنين لف فيهم الدنيا
شمال وجنوب وشرق وغرب
عشر سنين..
دق فيهم كل الأبواب وقال
لدنيا مفيش حرب
وبدأ الهمام يبني..
بنيه تحتيه.. مدن صناعيه
العاشر من رمضان والسادات
وبرج العرب..
وااااه يا عرب
آه يا عرب لما بتعشقوا الحكام
خيل فى سبق من غير لجام
وكأن حكامكم أنبياء
وكلامهم وحي من السماء
وجخلصت العشر سنين الأولى
وخلصت مرحله البدايات الجميله
ودخلنا فى مرحلة الحيرة
