قلبي عليكي مشغول

قلبي عليكي مشغول
بقلم مصطفى عبدالحميد 
حبنا ده واحنا صغار
قلب صغير لكن جبار

حب جارف زى الاعصار
بيقى القلب ياروحي
مشغول على طول
وباعد عن كل الافكار

لشايل يوم للدنيا هموم
ولا بيفكر ليل ونهار
ولاشبكه وشقه وتقاليع
كل اللى شاغله حبيب محتار

ازاى يبعت لحبيب جواب
يكتب فيه ان له اختار
نفسه يسلم حتى عليه
ماهو جنبه اصله ده الجار
يسمع صوته يشوفه بعنيه

ولايكونش عليه ده حصار
أصل الحب بقلب صغير
لما بنكبر خلاص بينهار
يااما بنبعد او نتغير

ومافيش حد يقدر يختار
تبقى قلوبنا لسه ماكبرت
لسه صغيره لسه خضار
ولما بنكبر وبنتذكر

ماضى جميل عشناه بهزار
نضحك عليه وكانه امبارح
وكانه عدى يادوب بنهار
ذكرى بتسعد بيها قلوبنا

كل شويه نفوت ع الدار
اللى كان ساكنين فيه احبابنا
ونقول والله زمان يادار
كنا نشوفهم ونكلمهم 

صبحم ماضى وادى احنا كبار
اجمل حب واحنا صغار
كان وقتها فاكرينه هزار
لما اشوفك يفرح قلبى
واسمع اغنية جبار

اجمل ضحكه كانت م القلب
وكل كلامنا كان ازهار
كنت اما اصحى افتح شباكى
الاقيك واقف كده زنهار
كانك كنت مستنينى اصحى
عشان تشوفنى ويبقى نهار
ولما امى تنادى عليا
اقفل تانى واجرى فرار

ولما تفوت من قدام بيتنا
احس اليوم كله ده بقى نهار
واما الليل علينا يليل
وضى نوركم لسه مطول
افضل صاحيه باستمرار
كانك صاحى وحتكلمنى
وحتبعت من عندك ازهار

وان شوفتنى غيرك كلمنى
تبقى بتاكل فيك النار
تيجى بعدها حتى تلومنى
وتقول اوعى تكلمى غيرى
احسن انا اعصابى تنهار