قصيدة/ دماء على جدران المدرسة
قصيدة/ دماء على جدران المدرسة
كلمات الشاعر/ أمير خلف
😓😓😓🇪🇬🇪🇬🇪🇬🇪🇬
بحر البقر لسه بتحكى
على الخسه وبتبكي
يوم ٨ أبريل الصبح بدرى
الكل متجمع واقف يدعى
الله أكبر وبحبك يا بلادى
قالها كل تلميذ بالابتدائي
لابس مريلتة الكاكي
قماشها من مصانع بلادى
والضحكة صافية كلها براءة
هما دول هما ولادى
كتب القلم بسم الله
أنا مصر تاريخي باقي
كتب القلم بسم الله
هما دول هما ولادى
كتب القلم بسم الله
الله ناصرني على الأعادي
لما يرن الجرس يقول …انتباااه🔔
الكل فى ثوانى يبقي …تمام
وقف الولد لمعلمه… قيام
قال المعلم انهارده حنتكلم✍️
عن التاريخ عن الحضارة
صفحتها شبه المناره
اسمها باقى هو… مصر🇪🇬🇪🇬
رايتها دائماً طول عمرها… نصر💪
لا يوم عرفت الكسر ولا … الآسر
وأما اسألك انت ابن مين🤔🤔🤔
قول بصوت عالى أنا ابنها
ايـــــــوه أنا ابن مصر💪🇪🇬🇪🇬
رن الجرس مرة ورا مرة🔔🔔
خلاص يا استاذ خلصت الحصة
دخل معلم اللغة العربية
قال لينا بابتسامة التحية
وقال انك انتى محمية
انك مذكورة بالقرآن ودى مش شوية
ادخلوها بسلام آمنين
انها مصر ام الدنيا ديه
رن الجرس خلاص الفسحة🔔🔔
كان الولد صدرة من حبها عبي
نازل فى حوش المدرسة يغنى بلادى
والله حبك فى قلبي ليبقى باقي
والله لحميها من الأعادى
وفجأه الخسه ظهرت فى السما
طيارات اليهود بتقتل ولادى
مات الولد وهو باصص عالعلم
وبيردد الله أكبر يا بلادى
الله حاميكى من الأعادى
قولوا لمن جاء بعدنا
ان مصر ستبقي باقية
انى تركتها اليوم وودعتها
تاركاً دمائي على جدران المدرسة
كتبت فى كراستى بدماء شاهدة
ان أغار عليكى يا أمى الباقية
سلام عليكى يا أمي
سيبقي اسمك أجمل ما ردده قلبي
ستبقي دمائي على جدران المدرسة
تردد كل يوم اسم الله واسمها
قولوا لها لو عدت للدنيا
لسوف أموت مرة أخرى لأجلها
