بقلم الشاعر محمد سعدون
كنت مسافر حد سالنى ——– انت مصري ولا منين
قلتله مصري و ابويا مصري ——- شعبنا كله ناس حلويين
بلد نبنا موسي و عيسي ——– بلد الازهر والحسين
قال و اصحابك كل احبابك ——- يتبعوا مين
القتله كل الشعب اخواتي ——- من الاقباط والمسلمين
جرجس مينا فاطمه و ——– لينا كمان وحسين
ياما جرينا وياما لعبنا ——– وياما فرحنا ايام وسنين
ياما زاكرنا مع بعضينا ——– وياما اسمنا القمه اتنين
وياما مسحوا دمع عيوني ——— لما بكيت بدمع العين
انتي يا مصر وطنا الغالي ——- ومن مية نيلك شاربين
مهما يحاول كل اعدانا ——- يفرقو بنا باسم الدين
جوه القلب ديما ساكنه ——- وشيلينك في رموش العين
ياما شربنا مية نيلك ——— عمر بحاله بقلنا سنين
يا بلدي جميلك فوق علي رسنا — بنقولها ومحنش ناكرين
مهما بعدنا مش هنسيك ——– مهما يحاول الملاعين
مهما يحاول الاشرار ——– يفرقو بنا باسم الدين
كلنا واحد دمنا واحد ———- لوطنا كلنا عشقين
محمد موسي جرجس ——– عيسي احنا ولادك مصريين
