فوبيا ..التعود..
بقلم.إنتصار محمد حسين
عارفين الناس اللي بتسكت في نص الكلام .. الناس اللي بتبعد فجأة من غير مقدمات !
مش دايماً بيبقى دليل على سلبية الناس دي أو إنهم مايستحقوش وجدنا في
حياتهم .. لكن في ناس عندها #فوبيا_التعود
بيبعدوا أول ما بيحسوا إنهم بدأوا يتعودوا ع وجود شخص في حياتهم ،
عارفين كويس النتيجة اللي مستنياهم في آخر الطريق ومتوقعنها كويس ..
الناس اللي اتكسرت كتير .. اللي تعبوا من المسكنات .. اللي اتجرحوا واتخنقوا
.
ماتحكمش ع حد عشان لو أنت موسى فالشخص ده قابل قبلك مليون فرعون !
جنتك بالنسباله هتبقى مجرد وعد .. وعد مابيتحققش زي ما وعود كتير
ماتحققتش ومكنش لاقى غير الغابة .
طمنوا الناس اللي بتحبوهم بأفعالكم
وبالكلام برضو .. عرفوهم إنكم موجودين ومش هتمشوا مهما كانت
عيوبهم وكراكيبهم .
تقريباً أبسط حقوق الناس اللي بتحبهم وبيحبوك عليك إنهم يحطوا دماغهم
على المخده في أخر اليوم وهما واثقين إنهم هيصحوا يلاقوك .. إنك مش
واقفلهم على غلطة ومحضر شنطتك !….متحسسهمش ديما انهم مستنين عقابك ..الناس دي تعبت عقاب ..الناس
دي تعبت ملام …الناس دي أبسط حق من حقوقها في الدنيا إنها تحس
بوميض من الحرية ..والحرية اللي بيحاوطها ألف سلسلة من كل لون
عمرها ماتكون حرية …
ادوات فرصة لبعض تتنفسوا
الحياة..مهي أصلها أيام أعمارنا وبتنتهي أكيد متخلوهاش مليانة وعد ووراه
دايما و عيد
….عيشوها ببساطة ..لا ييجي يوم.
غصب عنكم تعيشوها متقيدين بالحديد….إلحقوها أصلها بتجري زي
الريح ..عيشوها ..قبل ما حصان عمركوا يرمح رمح…
عيشوها بجد مرة صح….
……
اللهم حسن ظننا بك يا الله وارزقنا راحةالبال # 💔
