غير مصنف
غنوها يمكن يسمعوها
غنوها يمكن يسمعوها
بقلم مصطفى سبتة محافظه الشرقيه
تعرفو ايه عن الغلابه
سيبو الغلابه ف غلبهم
دى لو الدنيا غابه
كانوا هيلاقوا رزقهم
جربتو تنامو ع الرصيف
تقضو يومكم برغيف
تنامو والدمعك على خدكم
تبردو ف عز الصيف
تمشو تمد ايديكم
تترجو الناس تديكم
تدوقو ذل واهانه
ومحدش يحن عليكم
تاخدو وجعكم ف حضنكم
تعيشوها غصب عنكم
وكل دقيقه ف حياتكم
بتاخد حاجه منكم
ايام عمركم دموع
على طول متالمين موجوعين
واللى يبص ف عنيكم
يشوف احزانكم شموع
ملامحكم من كتر الاسيه
غريبه عنكم منسيه
تشوفو نفسكم 100 مره
صورتكم م الهموم مطفيه
حياتكم نقط وحروف
عايشين ميتين م الخوف
كل يوم بيعدى
بتهد فيكم الظروف
ماشىين تعدو ف خطواتكم
مش عارفين تكملو حياتكم
عمالين تكلمو ف نفسكم
كاتمين جواكم اهاتكم
غنوها يمكن يسمعوها
