علاقات مهزوزة

علاقات مهزوزة

كتب/أحمد فوزي
زمان وأنا لسه صغير كانت أمي هي اللي بتفصللى هدومي…وكل مرة تصمملى حاجة

تسيب مساحة من القماش متنية من الداخل. ولما اسألها بكل برائة … ليه؟ تقولي يمكن

تطول أو جسمك يتغير فنعرف نظبطه بعد كدة. وكبرت ؛ ولما بدأت اخد بالى من تفاصيل

الهدوم “الجاهزة” ، مكنتش بلاقي المساحة دي ولا حتة القماش الزيادة اللي

هتسعفني لو الطقم ضاق او قصر عليا…! ف حياتنا ناس وعلاقات جميلة زي قماش

وتفصيل أمي… علاقات مش بتبوظ لو اتغيرنا وكبرنا ومش بتتقطع ولا تتمزع لو اتفردنا

فيها شوية أو شدناها. علاقات بتسيب لينا مساحات للوقت والظروف تتحمل تغيرنا

وتقلبنا وضيقنا واتساعنا. علاقات هاند ميد اتعملت بهدوء واتكونت بجهد وتعب.

وفي ناس وعلاقات تانية زي الهدوم الجاهزة، تبان شيك جدآ وعلى قد مقاسنا بالظبط

بس مافيهاش سنتيمتر واحد زيادة برة حدودنا ! يدوب على قد الوقت والحالة اللي احنا

فيها ! يوم ما هنتغير هتتفرتك وتتمزع ! أنا كبرت وعرفت إن التفصيل أفضل مليون مرة من

الجاهز ، وعرفت إن أمي عندها حق وعرفت إني لازم أتعب ف تكوين العلاقات عشان

تعيش. وانتو كمان اتعبوا ف علاقاتكم وابذلوا فيها الجهد ، وادوا فيها المساحة المستخبية

لتحمل التغيير، الجاهز بيليق عليك وعلى غيرك لكن التفصيل اتعمل علشانك إنت وبس

علاقات مهزوزة