عروس البحر اسكندرية
كتب/أحمد فوزي
الناس فى اسكندرية ليهم طبع( خاص )
اسمها فلافل مش طعمية وبتكون عالفطار أساسية واسمه جني مش
جنيه وتوناية بدل سوزوكى ومشروع
بدل الميكروباص وعركة على إمة الشارع ودايما حال الفرد بيكون جمع
هنعملو ايه …. واسمها عالبحر نمشو عالكورنيش دى متقولهاش ولو جيت
فى رمضان فطارك من محمد احمد و سحورك من ألبان سويسرا والحلو من
احمد حسنين وباقى السهر على قهوة فاروق وشوارع السيالة وبحرى .
. وندخلوك سينيما ميترو ودايما مصيف الإسكندرانية بيكون فى الشتا فى لمة
حلوه فى حضن البحر وعز جبروت شهر طوبة وراكية نار وواحد شاى ميزو
ونسمة هوا من البحر دافية ونقضو باقى خروجتنا فى الترام الاصفر
وشوارع الرصافة الاسكندرانية مش مايه مالحة ووشوش كالحة تعرف
الاسكندراني من قلة كلامو ولو سألتو عن مكان ميعرفهوش من غير فتى
هيقولك اسف منعرفوش ودايما تلاقى الاسكندرانى صبور البحر علمو ان
الرزق بيجى بعد ما يغيب النور ولو فى يوم قابلت اسكندرانى ولاقيت كل
هموم الدنيا عليه هتلاقيه برضو حامد
ربه وما يبصش لغيره ماهى بلده بتغنيه وماليه عنية اسكندرية
