غير مصنف
عذب الكلام
عذب الكلام
شعر وخواطر : الاعلامى محمد البشير
زمان كان الكلام يحلي
باللمه وسط الحبايب
والقاعدة بين الحبايب تتحسب بالثانية
كان الاحترام والرحمه موجوده
والقاعده بين طبليه موصوله
كان الكبير ماياكل قبل الصغير
وكان الصغير قبل مايقعد يبوس الايد
وكان دائمآ الخير بيزيد
كان الصغير والكبير يحمل الفأس
وكانوا يسعوا علي زرع الخير
وكانت دائمآ المحبه والرحمه موجوده
بين الأهل والأقارب والجيران
دلوقتي ليه يا زمان فرقت بين الإثنين
لعاد فيه محبه ولا رحمه
ايه اللي جري في الصغير والكبير
هل ده تعب من الدنيا
ولا غضب من الرحمن
يارب أرحم أمة محمد من الغفلان
يارب فتح عنيهم وفوق التعبان
دي غضب منك يارب ولا غضب عليهم
يارب تهدي الأمور وتغفر وترحم
دي أمة محمد دائمآ بتضعف
اهديهم يا ربي للصلاح والا حسن
احنا يا ربي في حماك أحسن
