بقلم / نور أحمد منصور
بجد احنا لازم نتغير للأحسن كلنا كبير و صغير ، الوقت في صالحنا ان احنا نتغير و نغير من حولنا ، لازم ننشر الخير و الحب
خلي الله سبحانه تعالي هو اولويتك،
خلي اتباع القرآن هو هويتك ،
خلي قلبك صافي تجاه الناس ،
خلي قلبك ابيض و نظيف ،
خلي من نفسك انسان جميل،
الحياة فانية محدش باقي فيها ، كل الناس هتموت و لا بد تتقبل الموضوع لأن هي دي الحقيقة..
هو ليه الموت موجود ؟
علشان يعرفنا إن محدش باقي ، إن احنا عايشين لوقت مؤقت فقط لا غير،
فهل تحب تموت و ربنا راضي عنك ؟
و مكمل صلواتك و قلبك ابيض و صافي ،
و محبوب و معروف إن فلان ده ملاك في جسم انسان ، و إن الناس تفتكرك علطول بالخير و الطيبة،،
ولا تحب تموت علي معصية ،!
تموت و ربنا مش راضي عنك !
تموت و اهلك زعلانين منك ،،
تموت و في حقد و كره في قلبك،،
اكيد متحبش كده صح ؟!
اعملوا للآخرة كما تعملوا للدنيا..
