المقادير…
لفة جلاش
لحمه مفرومة
بصلة كبيرة
توابل فلفل أسود ملح
قرن فلفل واحدة طماطم
سمن
الطريقة…..
أولا اللحمة المفرومة
معلقة كبيرة سمن ونجيب البصلة نقطعها ونشوحها في السمن
لحد مالونها يكون ذهبي انزلي باللحمة المفرومةوقلبيهم مع بعض لحد اللحمة ما تغمق ضعي عليها قرن فلفل أخضر حلو أو
حار زي ماتحبي وتقلبيهم وتنزلي بالتوابل بتاعتك وقلبيها
وقطعي عليهم طمطماية ويتقلبو شوية مع بعض وكده تمام
تجيبي الصنية تدهنيها سمن وتضعي أول ورقة
وبعدين خلي جنبك شوية سمن سايح كده عشان تدهني
كل ورقة تحطيها أما بفرشة أو بظهر معلقه مافيش مشكلة
لحد نصف الورق نضع اللحمة المفرومة وبعدين نكمل الورق
ونقطع الجلاش في الصينية شغلي الفرن وبعد خمس دقائق
دخلي الصينيه الفرن وبعد عشر دقائق شوفيها لو اصفرت
هاتي اللبن وعليهم بيضه اضربيهم مع بعض والملح وشويه فلفل أسود طلعي الصينية وحطيلها الخليط خليها كلها تتشرب اللبن ودخليها تاني الفرن لحد ما وشها يحمر ويبقي جميل كده طلعيها سبيها تبرد
