طريقة عمل النجرسكو بالفراخ

تقدمه /  هبة صالح

مقادير

كيس مكرونة مقصوصة
4 قطع فراخ بانيه مقطعة شرائح
1 بصلة متوسطة مفرومة ناعم جداً
1 معلقة كبيرة ثوم مفروم
1 فلفل رومى مفروم ناعم
بشاميل
جبن شيدر و الافضل موتزريلا
توم باودر
زعتر
ملح
فلفل
سمن او زبدة

الطريقة

سلقت المكرونة ¾ سلقة .
فى طاسه أو حلة صغيرة ضيفى 2 معلقة سمن او زبدة وضيفى شرائح الفراخ .
أول ما لونها يبقى أبيض ضيف عليها البصل المفروم و الفلفل الرومى و الثوم المفروم .
ضيفى التوابل ( توم باودر ، ملح ، فلفل ، زعتر…. الخ ) ، “البهارات و التوابل حسب الرغبة ”
سيبيها على نار متوسطه لحد ما السوائل كلها تنشف و الفراخ تستوى .
فى صينية ضيفى طبقة خفيفة من البشاميل و عليها نص كمية المكرونة .
ضيفى شرائح الدجاج و عليهم النص التانى من المكرونة .
ضيفى البشاميل .
دخليها الفرن لمده من 15 : 25 دقيقة على درجة حرارة 180° .
فى اخر 5 دقائق خرجيها و ضيفى الجبن الشيدر .