طريقة عمل البط بالمورتة

تقدمه /  هبة صالح

المكونات :

4 بصلات حجم كبير مقطعة مكعبات صغيرة ، ملح و فلفل و كمون ، كبد و قوانص حوالى كيلو لو البطة كبيرة ونص لو البطة صغيرة .وممكن تستكفى بكبد البط

لتحضير المورته :
في مقلاة علي النار نضع قليل من الزبد ، نضيف البصل المبشور و نشوحة خفيف ثم نضيف  الكبد و القوانص المقطعين قطع صغيرة جدا ونشوحها ،وننزل بربع كوب من الماء و نقلب و نترك المزيج حتي يستوي و يختفي الماء تماما. وممكن أيضا نبشر البصل ونخلط عليه الكبد والقوانص المقطعين صغير ونتبلها بالملح والفلفل ومعلقه كمون وندعكهم كويس ببعض ونحشى بيهم البطة

لتحضير البطة :

نغسل البطة جيدا بالدقيق و الملح و الخل.
نحشيها بالمورته و نغلقها جيدا ( أنا شخصيا بخيطها بخيط أبيض)
نشوح البطة علي مقلاة أو جريلا من كل الجوانب و نتأكد من غلقها جيدا حتي لا يقع الخليطة منها أثناء التسوية.

نغلي ماء علي النار مع ، الحبهان، الفلفل الأسود ،وورق لورامطحون أو ورق و بصلة كبيرة مبشورة ، و عند الغليان نضع البطة حتي تستوي.
وتقدم مع المحشى أو الرز أبيض
الطريقه دى معروفه فى بعض المحافظات

ثانيا طريقة البط بالبرتقال

أولا بنجيب البطة ونغسلها كويس ونشققها بالسكين

ثانيا التتبيله:

٣ بصلات كبار
٣ فص توم مفروم
كوب عصير برتقال مع بشر برتقالة
٢ معلقة عسل نحل
عصير ليمونه
٣ معالق صلصة
دبس الرمان وصويا صوص
خل
ملح وفلفل وبهارات بشرة جوزة الطيب
ربع معلقة صغيرة قرفة

الطريقة

بنقطع البصل شرايح وعليه التوم المفروم ونص كوباية البرتقال والبشر بتاعه وكل ما سبق من التوابل وعصير الليمون والخل والصويا والدبس ومعلقة واحده عسل ونقلب كله مع بعض ونتبل البطة من جوا وبرا وفى الشقوق كويس جدا ونسيبها لتانى يوم

طريقة التسوية

بندهنها باقى عصير البرتقال ومعلقة عسل والصلصة ومعلقة زبده وشوية ملح وفلفل تدهنيها كويس جدا من برا وجوا وخصوصا برا على الجلد و الشقوق وناخدها صدمة فى صينية كبيرة فيها معلقة سمن وشويه زيت عباد أو ذره من كل الجوانب بتاعتها ونلفها بفويل وعلى الفرن
ممكن تدخليها فى كيس حرارى كبير تأخد معاكى نص وقت التسوية وبالهنا والشفا