تقدمه / هبة صالح
السبانخ من الخضار اللي له فوائد كتير منها
تساعد على التئام الجروح في وقت قصير جداً.
يقوم ببناء أنسجة الجسم.
تحافظ على صحة وسلامة العين، ويمنع التدهور المرتبط بحدوث تلف في الشبكية بسبب الشيخوخة والتقدم بالعمر.
تقي بصفة عامة من الإصابة بأمراض القلب وسرطان القولون.
تعمل على خفض نسبة الدهون والكوليسترول في الدم.
تقي من الإصابة بالإمساك لاحتوائه على نسبة عالية من الألياف.
تساعد في تخفيض ضغط الدم المرتفع لاحتوائه على أملاح الكالسيوم، الماغنسيوم والبوتاسيوم.
تقلل من خطر إصابة السيدات الحوامل بحالات التشنج الحملي
وفوائد تانية كتير و علشان كدة تخزينها في البيت مهم للكبار و الصغار
هانجيب السبانخ و نغسلها من غير مانشيل الرؤس الحمرا اللي بتكون فيها علشان تكون سهل غسلها زي الجرجير وتتصفي ثم نشيل الجذور الحمرا ثم نقطعها
ونحط السبانخ في حلة علي نار هادية من غير ماء ونغطيها و كل شوية نقلب السبانخ هنلاقيها دبلت وبدأت تنزل ميتها و شربتها تاني بعد كدة نسيبها تبرد و نعبيها في أكياس كل كيس علي حسب عدد الأفراد و نخلي بالنا شكله بيكون كمية صغيرة بس هي بتكون مركزة و نخزنها في الفريزر
معلومة علي السريع
1 – يفضل إختيار السبانخ ذات اللون الأخضر القاتم
2 – يفضل طبخ السبانخ على نار هادئة مع الإحتفاظ بمائها عند طهوها لإحتوائه على معظم الفيتامينات والأملاح الموجودة في أوراقها
3 – ينصح كل من يعاني من أمراض الكبد والروماتيزم والرمال والحصى في المسالك البولية بعدم تناول السبانخ أو التقليل من الكميات المتناولة منه لكونه يحتوي على أوكزالات الكالسيوم التي تدخل في تركيب حصى المسالك البولية
طريقة تخزين البسلة
بلاش يا جماعة حكاية نسلقها أو نحطها بمية مغلية والكلام ده لأن طعمها بيبقى شبه الفول بعد كده أفضل طريقة لتخزين البسلة ومتجربة بقالى سنين بعملها
بقشر البسلة وأعلبها بأكياس وعلى الفريزر على طول بدون غسيل وممكن أحط معاها جزر مقطع وبجد بطلع روعة بالطبخ وممكن ساعة الطبخ تشطفيها بشوية مية وهى مثلجة وتحطيها بالطبخة بس بجد بجد بتطلع روعة وبتقعد شهور بالفريزر
ممكن تضيفى فاصوليا خضرا كمان مع الجزر ويلا الحقو خزنو لان البسلة والسبانخ قربوا يخلصوا
