سبع الرجال
بقلم / مصطفى كرم
الأخ راح يتجوز
وعامل سبع الرجال
ميعرفش أنه هيتجنز
وحكايته تكون موال
وتعالوا نشوف مع بعض
مراته ست الهانم
بادية الصبحية بعض
ووشه قايم وارم
***************************
يا مراتي يا حلوة يا نكدية
البصة ف وشك دي بلية
إن شالله يارب تروحي متجيش
واعيش حياة العذوبية
طيب قوم يا سبع رجالة
وهات مصروف البيت
وشوفلي كمان شغالة
تخدمني عشان مليت
شغالة مين يا عنيا
دي عايزالها كذا مهية
والجيب مخروم وحياتك
وكفاية جنان عليا
هو انا كنت الخدامة
اللي كتبها المرحوم ليك
والا مخلاص لحقوق
الله يرحم والديك
طيب ليه بتعيبي في العيلة
دا انا عليتي احسن ناس
الله يرحم ابوك
كان بينضف للكناس
هلا هالله يا سعادة البيه
نافش لي ريشك ليه
دا سرك كله معايا
وع النت خلاص تلاقيه
معقولة دا انتي مراتي
وحياتك هي حياتي
م الصبح هجيب شغالة
وهدعي لك المولى ليلاتي
الله يا حبيبي عليك
ما انت برضو جوزي الغالي
ومهما قسيت عليك
أنت برضو ابو عيالي
****************************
نصيحة نقولها ليكم
بلاش العند يدوم
وارضو ديما بعضيكم
تختفي بينكو الهموم
***************************
