سامحيني يا اجمل أصحاب.. للشاعر محمد رضوان

سامحيني يا اجمل اصحابى
أنا كنت باذوق ايامى
بالكدب عشان أعرف اعيش
قلت إنه حبيبي ومثالى
ومعاه الدنيا بتحلالى
وانا غيره ماليش
وإنه مافيش
ف الدنيا دى ذيه
وحقيقي مافيش
كنت باحليه ماعرفش انك نفس ملامحه وهتموتى عليه
ياحبيبتى خديه
فاكيد دا اللى انتى تستاهليه
وبلاش لما تشوفى حقيقته
وتعيشي الهم اللي انا عيشته
تدعى عليا. لاء يا عينيه
انتى اللى طمعتى وخدتيه
شكرا على غدرك ياصديقتى
حملي وشيليه
سامحيني أنا كنت بادارى
لحياة القهر واهماله
ماقصدتش اذوقك فى طريقه
وتخشى دوايره واهماله
شكله المرسوم صنعت ذوقى
وجبينه الظاهر ده شروقى
وملامحه الشابه الفرحانه
من جهدى وتعبى وتدقيقى
فبلاش لما تشوفى حقيقته
وتعيشى الهم اللي انا عشته
تدعى عليا لاء يا عينيه
انتى اختارتيه
شكرا على غدرك
تستاهليه