زكاة الفطر كتب د. عبدالعزيز آدم

زكاة الفطر
كتب د. عبدالعزيز آدم

-حكمها
واجبة على كل فرد مسلم حتى الطفل الذي يولد قبل فجر يوم العيد وهي الزكاة ا

الوحيدة الواجبة علي الأغنياء والفقراء علي حد سواء، يعنى الفقير ياخذ جزء من
.
الزكاة اللى بتجيله ويطلعها عن نفسه وأهله جميعا

– قيمتها

خلينا نقف هنا شوية …

هى صاع من الغلال المنتشرة في أهل البلد المراد إخراج الزكاة فيها .. يعنى مثلا في مصر يكون الزكاة من الأرز

بعض العلماء أجاز خروج قيمتها مالا .. ولكن دا فيه اختلاف ولكن كلهم لم يختلفوا على خروجها من الغلال وهو الأحوط….

ودا مش تشدد ولا تعقيد يا جماعة لأن دا ببساطة هو احياء لسنة الرسول صلى الله

عليه وسلم والصحابة والتابعين من بعده .. والحكمة هيا إنك لما تخرج زكاة الفطر

من الحبوب دا يرتبط بالصيام ودا بيخلي زكاة الفطر مختلفة ومنفردة عن أى زكاة

اخري .. كان من الممكن أن الصحابة أو التابعين يخرجو قيمتها مالا للسهولة أو

حتى للمصلحة ولكنهم اختارو إحياء سنة الرسول عليه افضل الصلاة والسلام ..

وأنت أصلا في إيدك إنك تخرج المال في أي وقت طول السنة علي سبيل الزكاة أو الصدقة.

– طب ايه الحل.. ايه هوا الصاع ده وازي هطلع غلال أو أرز واديها للفقراء؟! .. انتو عايزين تتعبونا وخلاص!!

لا مش تعب ولا حاجة الموضوع بسيط جدا

الصاع اقل قليلا من٣ كيلو

خلينا نقول تلاته كيلو للإحتياط مش هتفرق كتير يا سيدى

تلاته كيلو أرز عن الفرد مش هتعضلك .. وبلاش الله يكرمكم الرز الرخيص إللى

مليان زلط ورملة .. يعنى حاجة معقولة متوسطة من الرز اللي بتاكله (لَن تَنَالُوا الْبِرَّ

حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ).. بلاش تعاقب

الناس الفقيرة بالزكاة إللى هتطلعها.

يبقي كدا اتفقنا .. تلاته كيلو أرز عن الفرد الواحد (رز مش زلط ورمل) لان الفقير

محتاج ياخد الصدقة يوسع بيها على أهل بيتة مش علشان يعاقبهم زي ما قلنا

طب الأهم .. اشرينا الرز .. هنعمل ايه بيه هنمشي في الشارع شايلين الرز ندور

علي الفقرا ونديهلهم ولا هنعمل ايه؟

الموضوع بسيط جدا يا سيدي هات الأرز ولو مش عارف تديه للفقرا بشكل مباشر

.. وديه أقرب مسجد منك – مسجد كبير مش زاوية

وكل المساجد فيها ناس أهل خير بتتولي توزع الزكوات دي علي الفقراء

أو حتى لو تثق في البقال اللي بتشتري منه أديله تمن الرز وأطلب منه يوزعه علي

الفقراء اللي يعرفهم اللي بيجو يشترو منه وبيتعاملو بالآجل في أحيان كثيرة أو

طلاب العلم الفقراء المغتربين .. هتلاقي البقال عارفهم كلهم وحافظهم بالاسم من

خلال تعاملهم معاه.
أو حتى اتصل ببنك الطعام على ١٦٠٦٠ وهما هيبعتو واحد لحد البيت ياخد منك

الزكاة، وهيوزعوها بمعرفتهم على الفقراء المستحقين.

وبكدا تكون أديت زكاة الفطر بشكل مفيهوش أى شك في صحتها وأحييت سنة

الحبيب ووسعت على الفقراء

ولو عايز تطلع فلوس كمان يا سيدي مع زكاة الفطر يكون خير وبركة لمن يستطيع

وشكر لله على نعمه.

اقتداء بحبيبك النبى صلى الله عليه وسلم الذى كان جوادا كريما وكان أجود ما

يكون فى رمضان .. كان اجود من الريح المرسلة.