المقادير:-
بسلة بجزر مسلوقين
بصل مفروم
توم مفروم
لحمة مفرومة ملح وفلفل وجوزة الطيب
بيض مسلوق
فلفل أحمر مقطع صغير
هتخلطى كل المقادير مع بعضها ما عدا البيض طبعا
بعد كده هتفرديا على ورق المونيا زى كده وتحطى البيض بس أبقى شيلى البوز بتاع البيضه من هنا ومن هنا عشان لما تقدميه هيبقى البياض شكله مش حلو
بعد كده هتلفيه رول على البيض وتتأكدي أنه مبروم كويس
وفى اللحظة دى حطى حلة مية على النار معاها ورقتين لورى وشوية ملح
بعد كده هتقفليه كويس ولفيه فى ورق كتير عشان ما يبوظش منك فى السوى
بعد كده حطيه فى حلة المية اللى على البوتجاز وسيبيه نص ساعة
وبعد كده خرجيه من الميا وسيبيه يبرد وبعد ما يبرد فكيه من الألمونيا وقدامك خيارين أنك تقطعيه عادى أو إنك تحمريه وتسبيه يبرد وترجعى تقطعيه لأن لو إتقطع وهو سخن هيفك منك
طبعا ممكن تسويها بالفرن بدل السلق
بس أهم حاجه تقطعيه بسكينة من بتاعة العيش اللى هى مشرشرة كده
ودا الشكل النهائي
