بقلم الشاعر /د. محمد عبد المولي سلومه
قالولي الجرح بيقسي
لقيتني أرجع وبصفالك
وألاقي الدمع عالخدين
بيحفر عالجواب عنوانك
وقلمي بالدموع يكتب
يقولك شوفي كام مره
حلفتي إن الغط ما يكون
وبردو تعيدي نفس الكره
وكام مره أكون مشتاق
لكلمه تداوي جرح البعد
وبردو تقلبيها خناق
كأنك نسيتي بينا الوعد
عاهدتك اني اعيش ليكي
وأزين بالورود قصرك
وهرسملك فرح بعنيكي
ولو كل الألم حاصرك
قوليلي يوم هجرتك فيه
حتي وانتي غلطانه
عشانك كنت أهد الدنيا
ولا يوم تنامي زعلانه
انا فحبك هجرت الناس
وقلت الدنيا دي انتي
بفرحك كل الألم ينداس
وهانت نفسي ولا هنتي
رويت بالحب صحاريكي
مليتي الشوك بأراضيا
سعادتي وهبتها ليكي
زرعتي الهم حواليا
قولي ذنب انا عملته
عشان تبقي الجراح ليا
