تقدمه / هبة صالح
ذرة فشار
الذرة مسلوقة أو مشوية أو فشار مفيدة جداً للصحة والأطفال والكبار بيحبوها
علشان كده النهارده هنعمل الفشار بكذا طعم فرحي أولادك بفشار بيتي طعمه جميل جداً
الفشار بالملح
كوب ذرة فشار
معلقتين زيت وممكن تضيفي قطعة زبدة حسب الرغبة
الطريقة
تسخني الزيت تضيفي الذرة علي نار متوسطه لفي الحلة لحد ما الفشار يجهز رشي عليه ملح
فشار بالكراميل
معلقة زبده عليها نصف كوب سكر نصف معلقة صغيرة ملح ربع كوب ماء ونسيبها علي النار تتقل ونضيف ربع معلقه صغيرة فانيليا ونتركها حتى يصبح لونها ذهبي لو اغمقت بتمرر وبعدين ربع معلقة صغيرة كربوناتو عشان تبقي مقرمشه وقلبيها جيداً تكوني عامله الفشار العادي من غير ملح ويكون ساخن ضيفي الكراميل وقلبيه كويس بمعلقة مدهونه زيت وضعيه بصنية مدهونة زيت وسبيه يبرد هتلاقيه عامل زي القرص فصصيه من بعضه
فشار بالجبنه
بنعمل الفشار العادي ونرش عليه شوية ملح بسيط ونكون بشرين جبنه رومي أو شيدر وننزل بيها علي الفشار وهو ساخن ونغطيها شويه عشان الجبنه تسيح في الفشار
فشار الشكولاتة
معلقة زبدة أو سمنه ثلث كوب سكر معلقتين كاكاو ولو الكاكاو سادة يبقي كباية إلا ربع سكر ربع ملعقة ملح ربع كوب ماء
نتركها علي النار تتقل ونضيف ربع معلقة كربوناتو ونقلب جيداً تنزلي بيها علي الفشار الساخن وتقلبي وتضعيها بصنية مدهونة زيت وبعد ماتبرد نفصصها من بعضها وتقدم
