غير مصنف
ده كان صاحبي
ده كان صاحبي
بقلم مصطفى سبتة
كان واقف معايا
لسه من ثوانى
قالى شكلى ياصاحبى
مش هشوفك تانى
بصيت له وابتسمت
ليه بتقول كده
قالى حاسس بخنقه
ورجليه مش شايلانى
وفجأه لقيته ف حضنى
بيقولى مع السلامه
مش هشوفك تانى
غير يوم القيامه
نطقنى ياصاحبى الشهاده
وغمض عينيه بايدك
شايف شموع منقاده
وملايكه من حواليك
وراح اغلى ماعندى
راح وساب لى الوجع
كان عكازى وسندى
ده كان صاحبى الجدع
كنت بشكى له همى
وبقوله ع اللى فيا
كان يطيب بخاطرى
وبايديه يطبطب عليا
يقولى انت عندى
اغلى من الدنيا ديا
حقيقى كان صاحبى
اللى بيخاف عليا
وراح اغلى ماعندى
راح وساب لى الوجع
كان عكازى وسندى
ده كان صاحبى الجدع
ده كان صاحبي 
