نحب تاني ليه و امتي ؟
لما نحس إننا تعافينا من كل أوجاعنا القديمة ، لما نحس إننا عندنا القدرة نفتح قلبنا تاني من جديد بعد ما قفلناه بالضبة و المفتاح سنين ،،
لما نكون في أمس الحاجة لشريك يكمل معانا المشوار حتي لو كان باقي منه ساعات ،
نحب لما نقابل اللي يستحق قلبنا ، اللي نلاقي فيه حلمنا ، اللي نقدر نشوف معه بوضوح كل الحياة من غير ضبابية و زغللة ،
اللي لما نشوفه نحس بأمان الدنيا كله و طمأنينتها و سلامها ،
نحب لما نتأكد إن اللي أدامنا متقبلنا بكل حالاتنا و كل ظروفنا و كل كلاكيعنا ، مش طالب مننا نتحول علشان نرضيه و يقبلنا
و لا طالب مننا نتنازل عن حاجة علشان يحبنا ،
حد مستعد يقدم كل شيء علشان إنت تكون أفضل و أحسن،
مش بيحسسك إنه بيضحي و يتقبلك بمشاكلك،
و لا إن وجودك و عدمه واحد ،
هو حاسس إنك كنز من السماء بيحاول يحافظ عليك بكل الطرق ،
بيحاول يقدم قلبه علي طبق من ذهب لك ..
ساعتها بس نحب تاني و نفتح قلوبنا و ندوس علي كل حاجة ماتت و فاتت ،
كلنا بنحتاج نحب …..
لكن فقط مع الشخص اللي يستحق نمنحه كل مشاعرنا و حياتنا و إحنا مطمنين…
