كتب_علاء رجب جوهر
يوم جديد ليله الجمعه 15/5/2020 اجازه رسميه من الشغل
كثيرا ما سمعنا عن قصص اساطير قديمه مثل ابو زيد الهلالي وعنتره ابن شداد وغيرهم كثيرون ولاكن كل هذه القصص كانت عن الحب والبطولات وكنا نسمعها نغنيها علي الربابه اليوم سوف نغني سويا ولاكن علي اوتار القلق والخوف تبدأ الروايه حينما اعود الي منزلي من طريق مهجور بين اراضي زراعيه واسعه ومصرف قديم مهجور مغطي بشجر عالي وكثيف تملأه الحشرات والثعابين يكون نهارا مثل صحراء جرداء وليلا مثل غابه ظلماء .
حينما اضع قدمي من سياره العمل في الثانيه عشر ليلا تذداد ضربات قلبي يذداد وزني علي قدمي يبدأ عقلي بإرسال الرساله اليوميه ياتري هتوصل البيت ولا هياخدك ابو التواه أو الجنيه.
ابدأ بالمشي علي الطريق اتحسس بشويييييش حتي لا أصدر أصواتا فلا يوجد احد سواي.. هذا المشهد يأتي كل يوم لمده 15عام كأنه شريط كاست اقوم بتشغيله يوميا
وفي يوم من الايام اذداد القلق وذاد وزني وارتفعت دقات قلبي وأثناء استلام الرساله اليوميه تحدق العين بإتجاه اليسار قليلا فاري شخص لا ملامح له هل هو ذكر ام انثى ليس عاده أن يكون هناك اناث في هذه المنطقة فينطق اللسان بعباره لا اراديه (ياحزن اسود) اذادت ضربات قلبي وأخذت القرار بالجري المسافه 500متر وعاده امشيها في 10دقائق
فاليوم اجري لمده نصف ساعه وكلما اجري اذداد الطريق طولا جميع المعالم تتكرر مره اخري…. واثناء الجري وكأني ادور في حلقه مقفوله اللي اشوفه أشوفه تاني ولاكن الأغرب أن الرجل كان يتحرك بجانبي وكأنه يطير وبعد معاناه وخوف اخيرا لقيت نور بيقرب الحمد لله….
وصلت البيت الحمد لله قربت اوصل انا سمع صوت تلفزيون شغال ايوه خلاص بقيت بقرب علي البيت من كتر الجري قلبي هيقف والراجل بيبصلي وبيتحرك جنبي
قولت في بالي ايه هو هيدخل معايا البيت ولا ايه يا نهار اسود……
ولاكن كان الأغرب أن قربت من الصوت جامد جدا وبقيت في قلب النور والراجل واقف
وفجأة اسمع تييييييييييبت وصوت واضح بيقولي متوسع يا عم انت حمار ….
ايه ده نور ايه ده يا نهار اسود دي مش بيوت دي عربيه جايه من الطريق ده الراجل بيبص ويضحك…
بدأت تظهر ملامحه نور العربيه جه عليه عينه بدأت تذداد شر….. طلع مش واحد ايه ده انا لسه واقف مكاني بسرعه طلعت الموبايل نورت الكشاف لقيت اللي واقف عروسه الأرض او خيال المآته .
قولت للسواق معلش مخدتش بالي
إذاد القلق وذادت الحيره كل اللي حصل ده وانا مكاني امال لو الحاجه دي صح كنت عملت ايه..
..ادخل البيت ادخل السلام عليكم يا اما عليكم السلام حمدالله على السلامه الله يسلمك انت مال صوتك كده لا مفيش مرهق من الشغل
قررت أن ما احكيش لحد وخصوصا أن مفيش حاجه حصلت ويجي اليوم التاني بنفس السيناريو ولاكن انا قررت اغير السيناريو انا مش همشي من الطريق ده تاني
فيه طريق تاني همشي منه وفعلا مشيت منه لقيت فيه بيوت كتير قولت ده احسن من التاني
ويو ورا يوم الجو ضلمه مفيش قمر الدنيا قلبت مطر وانا لابس بنص كم ايه ده مطر دلوقتي جسمي تلج لقيت بيت منور وقفت جانب البيت لقيت شاب في سني طالع بيقول ايه يا اسطا عملتها معاك
ضحكت وقولت ارزاق قال استني اجبلك جاكت ادني جاكت وقالي استني اوصلك شويه بالكشاف حاجه غريبه الكشاف ابيض الضوء اللي علي أرض احمر دم مختش في بالي قولت اكيد العاكس……بس أن مش مطمن قولته ارجع بقي المهم رجع انا خفت خصوصا لما ببص ورايا ملقتوش ولقيت الضوء اختفي ببص جنبي لقيت صوت جامد في الترعه.
.. الطريق التاني برده عليه ترعه وشجر واللي افظع رشاح كبير ساعتها عرفت اني ميت لا محاله بس صبرت نفسي بأن الجو ضلمه وهو طفي النور وان الصوت ده كان سمكه كبيره في الميه
قولت مش هحكي لحد وبكره اودي الجاكت واسأله أقوله انت طفيت النور ولا لا…….
اول ما روحت حطيت الجاكت في شنطه ….تاني.يوم. ورحت عند البيت اخبط محدش رد خبط تاني طلعت ست كبيره قالت ايوه يا ابني قولتلها عايز اقابل شادي ردت بصوت مهزوز شادي..شادي مين يا ابني مفيش حد هنا اسمه شادي…قولت ازاي وحكيت علي اللي حصل منه قالت مفيش حد هنا انا عايشه لوحدي قولت ازاي ببص لقيت صوره متعلقه قولت هو ده …. ده اللي اداني الجاكت قالت يا ابني ده ابني ( فتحي) مات من 15سنه في الترعه اللي هناك دي…… قولت امال مين اداني الجاكت ده قالت انت ع وضحكت ضحكه صفرا وعينيها كلها شر ….. ببص في الشنطه لقيت اللي فيها شويه أكياس قديمه وفيها ورقه مرسوم عليه خيال المآته..
رميت الشنطه وجريت.. جريت مبصتش ورايا لسه بعدي كوبري الرشاح سمعت اسمي من وسط الميه ولقيت واحد قاعد علي الكوبري ايه ده نفس الشخص بتاع امبارح انت مين ….انت مين قالي تعالي ….روحت معاه علي الكوبري لقيت الدنيا بتتهز الكوبري اتغير لونه للدم صورتي بقت علي وش الميه لسه بيمسك ايدي زقيتها وجريت طول الطريق ريحه الموت في كل حته ريحه نفاذه …..
روحت البيت جسمي بيتنفص امي نادت لستي قالتلي مالك يا كبدي..
حكيت ليها اللي حصل بصوت لبعض وقالو ازاي ده قولت فيه ايه قالو ازاي البيت ده مفيش حد عايش فيه… قولت ازاي قالو البيت اللي بتحكي عنه قصاد المعهد القديم مهجور بقالو سنين.
ما استحملتش وقعت علي الارض اصوات كتير حوليا مش حاسس بيهم ساعتها عرفت اني خلاص …..مت
حاسي بكلام كتير حوليا مش قادر اتحرك جسمي مخشب … عياط وصراخ اللي يقول كان طيب واللي يقول لسه شباب …
لقيت صوت جميل في ودني
الله اكبر.. الله.اكبر. جسمي انتفض ايه ده لسه ما ممتش..قالو فيه ايه مالك قولت منا حكيت مره هي قصه قالو حكيت لمين قولت لستي وامي…. امي بصت بخوف….. ستك ايه يا حبيبي ستك ماتت من سنه مالك فيه ايه قولت مفيش ببص علي النتيجه لقيت التاريخ 15/5/2020
صباح الجمعه ووقت الآذان …
