خلاص يادنيا..

خلاص يادنيا..

بقلم…انتصار حسين

خلاص يا دنيا
هاكتم جرحي

وجوايا هخبيه

ولايوم اقول ماجاش فرحي

ولأمتي هافضل مستنيه
ولااعد الليالي وابات حزين

ولا اقول لغالي كفايا أنين

ولاتاني تاني تاني
هارجع منك أبكي

ولاتاني تاني تاني
هارجع منك اشكي

ولا هتعجب لو تاني فرحة
جتني مرة منك بدري

ولا اقول لأي ذكري
علية هِلي …وخليني حزين

خلاص يادنيا ماعاد
جوايا منك ألم

كل اللي شفته م البعاد
خلاني اكتفيت ندم

وتاني تاني تاني
ماعاد للحزن اعود

ولا يوم اقول
إني بيه دايما موعود

ووعد مني يا دنيا
لاستسلم لكل جرح

ولاعاد يأثر فيا منك تاني فرح
وهاعيش اللي باقي ليا

كأني فيكي متهني
أهو حبة عليكي وحبة عليا

ولا افضل للفرح مستني
وكفياني منك أسية

طول عمري…
حياتي بتشكي مني ليا

ليه انت مش متهني
كان نفسك تعيش سعادة شوية

لكنك..
نسيت الحياة

وعيشت تايه مستني
منها طوق نجاة

لايوم هي سامعاك
ولا من بحورها منجياك

خليك واعي وإوعاك
تنسي انك انسان… لساك

وارضي… بقليلك
لاتروح منك سنينك

وانت للسعادة لساك
مستني وفاكرها قدامك هناك

صحصح فوق واوعاك
تفضل كتير أفكارك شاغلاك

ولاتاني تقف علي بابها
وهي ليك….. مش شايفاااك

………….وعجبي!