حوار مع اول مهندسة ترشح نفسها نقيبا لمهندسي الغربية
كتب المهندس احمد الغمري
جمعني لقاء مع المهندسة ايناس خاطر عضو مجلس نقابة المهندسين
بالغربية والمرشحة نقيبا مهندسي الغربية سألتها عن رؤيتها في البرنامج
الانتخابي الذي وضعته وكيفية آليات تنفيذه فقالت
احب اوضح ان بعض النقاط مش محتاجة ميزانية زي ما يثار فيوجد بعض
النقاط مش محتاجة ميزانية عالية
اولا. احنا هنساعد الشباب بمخاطبة جهاز تنمية المشروعات لتوفير
دراسات جدوي محتاجها فعليا السوق المصري و كيفية التنفيذ دي مش
محتاجة موارد.
ثانيا احنا بالفعل عندنا مركز تدريب بالنقابة لما نوفر الكورسات اللي
محتاجها سوق العمل و حتي لو تخلينا عن ربح النقابة كدعم للشباب
هنقدر نعمل كدة بدون الاحتياج لموارد
ثالثا انا كنت استحدثت صندوق الرعاية الاجتماعية من سنتين و خصصتلة
نسبة من دخل النقابة و كمان نقابة البحيرة عملت نفس الشئ و وظفتة
للقرض الحسن فلو عملناها بالمثل هنقدر نوفر القرض الحسن
رابعا كادر المهندسين هو ارادة و اقرار قانون نقدر نشتغل علية بالطرق
الشرعية لة و حتي لا قدر الله ان تاخر ممكن تفعيل البدلات المهملة
بالقطاع الحكومي مما يؤدى الي نفس النتيجة
خامسا بالنسبة لمهندسي القطاع الخاص من غير المعقول ان لا يوجد اي
جهه تحمي مهندس القطاع الخاص يجب عمل تقنين يحمي هذا
المهندس و يحفظ حقة
سادسا بالنسبة المعاهد الخاصة انا شايفة ان النقابة العامة بدأت
الاستجابة الفعلية و بدأت خطوات فعليا لحل هذة المشكلة و بالمناقشات
المستمرة و الجدية في دراسة المشكلة سنتوصل الي حل لهذة
المشكله فعلا
سابعا تطوير الرعاية الصحية او الاجتماعية احنا بالفعل بنطورها باستمرار
المهم التواصل الجيد مع النقابة العامة للوصول الي احسن صورة
ثامنا المعاش يوجد بالفعل ملف بالبرلمان لزيادة مخصصات النقابة من
الدمغات المحصلة علي الحديد و الاسمنت بالمتابعة الجيدة ممكن زيادة
موارد النقابة و بالتبعية تحسين الخدمات كالمعاد
تاسعا داية انشأءات نادي المهندسين بالغربية احنا بالفعل بالمجلس
اقرينا رسم هندسي رائع لكامل المساحة المسموح بالبناء عليها ووفق
الميزانية المتاحة ممكن بالفعل الانشأء الفوري للسور بالمحلات و الملعب
الخماسي و حمام السباحة و بادراج المحلات بنظام bot و كمان التشغيل
الفعلي للملعب و حمام السباحة كدة هنقدر نجيب دخل نكمل باقي
انشاءات النادي فعليا
عاشرا .جعل الشؤون القانونية تهتم بالمشاكل القانونية التي يتعرض لها
المهندس في عملة احنا بالفعل عندنا شئون قانونية انا بس هفعل
دورها
بدلا ما هي للنقابة هي لمشاكل المهندسين جميعا و دي مش محتاجة
موارد
حادي عشر تطوير الجهاز الاداري ممكن تطوير الموظفين بكورسات تنمية
بشرية و تهيئة للموظف ليؤدي الخدمة بشكل لائق
اثني عشر سأعمل جاهدة لتحسين الخدمات المقدمة لمهندسي المحلة
و سمنود و السنطة و زفتي و قطور بحيث نغطي جميع مراكز الغربيه
وعليا ان اتعهد بضرورة تطوير و تحسين خدمات نادي المحلة الكبري حيث
انة يخدم شريحة كبيرة من السادة المهندسين من المحلة و سمنود
وفي نهاية حديثا صرحت بانها وضحت اغلب النقاط وانها بترحب باي
مناقشة بناءة للبرنامج
