أدب
حلم السنين
بقلم / مصطفى كرم
و إيه يعني تتوه بينا خطاوينا
وإيه يعني مادام ننسى ماضينا
تعالى ياحلم عشته سنين
نحقق بيك أمانينا
دا أنت شوقي وحنيني
وحضنك ديما يحميني
هفضل طول عمري أتمناك
عشانك يهون المر وأنيني
همسي شوق حنين وغرام
صدق شعور مش أي كلام
لما حروف الحب تشوفه
تقول والله ولا ف الأحلام
افتح قلبك واسمع همسي
يمكن تفهم نبضي وحسي
لما تشوف صورتك بعيوني
هتحس إنك بكره وأمسي
أيوه أنا عارف إني جرئ
وأحساسي بيك صادق وبرئ
لكن أعمل إيه يا حبيبي
وأنا ف بحرك تايه وغريق
هعدي في الهوى بحورك
وأكون ظل شعاع نورك
ولو قابلت في مرة أحزان
هجيلك أحتمي في دورك
بعاهدك والعهد بينا أمان
أصونك لو غدر الزمان
وعمري أقدمه هدية
وأقول فداك يا نبع حنان
******************************
