حلاوة روح
كتبت بوسي مرسي
لسه عايشين حلاوة روح لسه جوانا بيبكي من الجروح
لسه بنام !!!!
ونقوم عاملين نفسنا ناسين هموم ومقاسي كانت لا ليا ولا علي قد مقاسي وبنضحك وننسي من حلاوة الروح
لسه بنقول !!!!
معلش أصله عشمان بس أصله غشمان مش فهمان أن الإنسان لسان وسيرة علي كل لسان ياتتعشم وعشمك يطلع في محله
ياتتغشم وكل اللي حواليك من أفعالك هايحلوا
لسه بنقول حبايب !!!!!
أهل وقرايب دم بيجمع بينا تعب الصغير يوم شال الكبير الهموم ولما كبر الصغير نسي اليوم اللي أتشال فيه وأفتكر بس أنه اليوم واقف علي رجليه والكبير كبرت معاها الهموم بس من غير مايلوم علي أمل أن في يوم الصغير يحن ويفتكر ده اليوم بس أصله عايش في جنون أو عايش حلاوة روح
لسه بنقول معلش !!!!!
بكره يتغير الحال ونشوف أحوال سعيدة تريح البال مع أن الزمن دوار وكل من جرح هايتجرح ودي طبيعه الحال وبرضه منتظرين من حلاوة الروح
لسه جوانا دموع !!!!!
بتنزل من عيون دموع بتحرق زي النار علي غالي وفجأة فار زي اللبن مايفور في لمح البصر يبقي سراب ونلم الباقي حتي لو مافي شئ باقي بس بنلمه حلاوة روح
لسه جوانا كلام وكلام !!!!!!
عن أيام زمان أيام ماكنا يوم عيال بنفرح بلبس جديد وأغنيه ليله العيد ولما كنا ننزل سوا والايد في الايد وجه اليوم اللي بقي في أنسان يفرقنا مع أنه مش من دمك ولا حتي أبن أبوك وأمك
عن يوم أتلمنا فيه علي طبليه دار وكان عليها كتير أسرار من فرح وحزن ولقمه تتقسم سوا علي أهل الدار
بس أهه وأهههههه راوحوا حبايب الدار ولسه بنفتكر دي الايام برضه من حلاوة الروح
لسه متمسكين بيكي يادنيا؟؟؟؟؟
لسه متبتين فيكي وماسكين متشعلقين بخيط دايب أسمه ياعيني حبايب وياعيني علي الحبايب اللي بقوا مش حبايب وحطوا نفسهم في خانه( أمل خايب )
لسه قلوبنا مفتوحه ليكم مهما يوم قسيتم أصل الفرق أني لسه عايش
( حلاوة روح )
لسه الدمع بينزل في المنام. !!!!
وأقوم وأقول دي أحلام بس الدمع مالي القلب بيبكي من غير صوت خايف يظهر حبه ليتوجع تاني من حبايبه
لسه في كلام وحوار بلغه العيون لسه واحشني لسه في حاجات ماتتمحي غير لما أسمي يتمحي وذكري ينتهي
عاوزة أسيب هناك عندك عيون أشوف يوم عليك هااهون ولا حبي ليك كان شئ أسمه جنون
