أدب
حكاية ليل
بقلم / إيڤيلين موريس
أما الليل يسدل ستايره ..
تظهر نجمة في السماء تسألني عليك
تغمض تفتح
وألقي ضيها يأسرني
و ياخدني ليك
ولو فكرت أبعد..
الاقي صوت الحب عالي
بينادي عليك
في أغنية ” للست ” أو” فيروز”
تحيي كل ذكرى بتفكرني بيك
أما البحر…
ف حكايه مالهاش مثيل
وموجُه هادي كان ..أو عالى
فيشبهك في كل شئ
ف اوله صورتك
وفي آخره نور للمركبة اللي حتوصلني ليك
يغلبني النعاس
أغمض عيني علي حكايتك
ويكفي إني ….اتونست بيك
