حقق حلمك
بقلم /لورا نبيل
لما تشوف العنوان يمكن تسأل نفسك
_ازاي هعمل ؟
_طب إزاي هكون إنسان ليا بصمة ؟
*يمكن يكون عندي حواجز كتيرة مادية أو ان الموضوع يكون أعمق بكتير بمعني ان مفيش حد شايف طموحنا و أحلامنا أو بمعني أدق مفيش حد شايفك من جوا .
لو أنت ادركت النقطة دي مينفعش تقف عندها ، لا .
كمل طريقك و اكسر الحواجز .
أبدأ بحاجات بسيطة بتحبها و شوية شوية كبَّر الحاجات البسيطة دي و خُد مهام أكبر .
_خلينا نقول : أبدأ بخطة صُغيرة
_خليني أقولك أنك لازم تشتغل علي نفسك شوية عشان تنجح و تحقق اللي نفسك فيه ،زي مثلاً :
١- خليك شجاع : أدخل كدا بقلب جامد و مستعد للمخاطرة و عندك استعداد انك تتقبل الخسارة ، يا إما هتفضل خايف طول عمرك ف هتفضل واقف مكانك مبتتحركش .
٢- ثقتك بنفسك : مهمة جداً ، إيمانك بنفسك أنك ( تقدر ) تعدي من أي حواجز
٣-الإرادة = النجاح
٤-المرونة : يعني مفيش أي حاجة تقدر تستنفذ طاقتي و وقتي و مجهودي ، و مش بس كدا لا ، دا أنا كمان لازم أتقبل أني ممكن منجحش في الطريق دا ،و هنا بقي هيبقى فيه حاجة اسمها تغيير مسار ( خطة بديلة ) و دا هيكون جزء من إكتشافك لنفسك و قدراتك .
٥ -طور من نفسك و من قدراتك ودل اللي هيساعدك توصل للهدف .
٦- الالتزام : يعني عندي احساس بالمسئولية ناحية العمل اللي هقول بيه ، و مسئول عن وقتي ، حياتي ، طريقي
* و خليك فاكر ان حلمك ملوش زمن ، انت تقدر في أي وقت و في أي سن انك تنجح .
_خليك فاكر انك لو نجحت دي إرادة ربنا أحنا بس بنعمل اللي علينا و ربنا بيكمل
* النقطة الأخيرة :
لو نجحت ساعد غيرك ينجح لان دا هيكون نجاح ليك ، و هيكون ليك بصمة تانية تميزك عن كل الناس : انك شخص عطَّاء.
” نجاحك و فشلك جزء من تكوين حياتك ”
