غير مصنف
جيشك يا بلدى بخير
( جيشك يا بلدى بخير )
محمد فتحى
جيشك يا بلدى بخير
مستحيل أبدا ينكسر
ياما و ياما شاف كتير
لكن فى النهاية بينتصر
اللى واقف على الحدود
اللى شايل عنك الشر
ده أسد من الأسووووود
حالف يحمى بدمه البر
فى السما طاير نسرك
باصص عليكى من فوق
حالف أنه يحمى أسمك
من أى أبليس أو مخلوق
فى البحر ليكى حيتان
وحوش مستنية فريسة
بتورى عدوك العذاب ألوان
نهايته بتبقى تملى هريسة
أيد بتحمى و التانية بتبنى
أيدين خشنة و أمينة
بكرة يا بلدى بالخير هتجنى
من أيادى محمد و مينا
جيشنا مش جيش مكرونة
زى ما قالوا الدراويش
جيشنا الحمى و المعونة
من زمان و هو أعظم جيش
الجيش المصرى خط أحمر
اللعب معاه تملى ممنوع
هفضل أقولها أكتر و أكتر
جيشنا ميعرفش أى خضوع
فى أخر حروفى و كلماتى
على جيشنا مفيش كلام
أهديه خالص تحياتى
مع مليون تعظيم سلام 
