أدب
جايز يكون إنذار
شعر-خالد إبراهيم
يا اللي أنت ليل ونهار
ماشي واخدها هزار
ولا حد بيهمك
داء الكورونا مرار
وحلوها …..إعصار
وخراب وموت ودمار
فيروس خطير غدار
هايمص من دمك
اغسل إيديك بصابون
والفرشة والمعجون
لأسنانك الحلوين
والبس كمامة وفوق
بالعافية …أو بالذوق
وابعد عن التدخين
بالشيشة أو بسيجار
حرص من الأتوبيس
والمترو والسيرفيس
والأهل والزوار
دلع الكورونا نار
جايز تكون إنذار
للكفرة والظالمين
يارب يا معبووووود
ياابو الكرم والجود
اسمع ندانا يارب
اشفي المريض منا
واعفر لنا ذنوبنا
ظلل علينا يارب
افتح لنا بيوتك
طمنا بسكوووووتك
واكشف لنا الغمة
عن مصر والأمة
يا رب ..يا جبااااااار
جايز يكون إنذااار
