بقلمي الشاعر/ محمد غبن
شاعر آل غبن
30/5/2020
بقولها بكل وضوح
وبقلب جميل البوح
عاليه شموخ الروح
فعلا أنا حبيتك
وكل منايا أعيش وأرضيك
بقيت والله شاغله البال
ونفسى تعيشى بأجمل حال
وأعيش الدنيا واهنيك
نعيش الحياه بما فيها
إنت قمرها ولياليها
أصل أنا بعشق الجمال
وإنت رقيقه وكلك دلال
بصراحه مكنتيش في البال
أنول رضاه وأشوفك
كإنك حلم من الأحلام
عايز اعيش معاك كل
دقيقه مخليش عينيا تنام
هي ياما نامت طيب إزاى
وتسيبك يا بدر البدور
وأنا اللي من غيرك
حزين وعايش بسكاتى مقهور
مابين غلب الدنيا وصفات
البشر وقلوبهم جواها ضلمه
مفيش عندهم حنيه ولا
فيه كمان رحمه ولا لمه
يطبطبوا عليا من الوجع
أو إحساس أو حتى بضمه
عرفت لما قولتلك هتبقي
كل شئ غالي في دنيتي
هتكون حياتى ملك إيديك
وتعيشى معايا في جنتى
وهنبنيها بحبنا بس أسمع كلمة
موافقه علشان تكوني شمعتى
وأنا م الساعه دية مسؤول
منك يامالكه روحى وأنيس وحدتى
