غير مصنف
بقلم الشاعرة.. إنتصار محمد حسين… (ليه يا دنيا)
بقلم.الشاعرة..
.. إنتصار محمد حسين
بتلعبي بينا ليه يا دنيا
بتِتعِبي فينا ليه كل ثانية
عاملة حبيبة م القلب قريبة
نطمن بيكي ونعيش لياليكي
فرحانين …..بيكي
واتاريكي …
لدوامتك بتسحبينا
ليه يا دنيا بتتعبي فينا
فاردة شراعك يضلل علينا
وناصبة خداعك يجرَّح فينا
يزلزل كيانا ..يغمي عنينا
وآخرتها إيه… يادنيا
آخرتها أكيد هتسبينا
نخبَّط فيكي وتخبَّطي فينا
نتنفس هواكي.. ويُخنق فينا
ليه يا دنيا سيطرتي علينا
دا احنا غلابة
وخلق من خلقه
تُكُنيش فاكرة إنك خلقتينا
….
لو يوم نعصاه بيصبر علينا
بيمهلنا كتير نراجع نفسينا
وكتير من حبه …بيبتلينا
رحيم والله رب العباد
كريم يوجهنا بالصالح لينا
وانتي ليه كدة ….
طول عمرك بتِقسي علينا
عجيبة والله دنيانا عجيبة
تمد حبالها في الغرقة لينا
نِهِم عليها ونمد إيدينا
تسحب حبالها وتضحك علينا
قوليها يادنيا بكل صراحة
وعاملينا مرة بالراحة
قولي بإنك مش باقية علينا
قولي اننا منستاهل حياة
قولي اننا بالغلط جينا
ياريتك تقولي وتريحينا
ياريتك تبطلي تدوسي علينا
دا حنا والله غلابة
ومن كتر غُلبنا. ..
كتير ماهُنتي علينا..
ياريتك وياريت
وافضل اقول ياريت
ماكنا شوفناكي ولا….كنتي
انتي شوفتينا….
…..بقلمي.. انتصار حسين
(ليه يا دنيا)
