بحبك يا مصر

بقلم /محمد محمود مصطفى
بحبك يامصر حب كبير
وحبي ليكي مايتقدرش
ولا بالملايين.
حبي ليكي ملوش مثيل
ومن حبي ليكي بحلم
لو اكون فيكي وزير
وياريت للعدل
لاجل امارس العدل
وارجع حبايبك المتغربين
ولو وزير للغلابة الطيبين
واحارب كل المفسدين
بحبك يا بلدي
وحبي ليكي ماله مثيل
وبحلم ….
لو اكون للسلام سفير
واسافر بلاد الدنيا
واكون للسلام أعظم سفير
علشان كدة بحبك
وهافضل تاني وتاني
عايش ودايب في حبك
بحبك يابلدي
وحابب احمي ولدي
واكون في جيش حمايتك
أعظم جندي
واقف ع الحدود
وأصد الأعادي
ياللي وطنا بيهم موعود
بحبك يابلدي حب كبير
ولو اكون قاضي
واحكم بالعدل ع الخاينين
يا اللي ياما جرحوكي
وف ضهرك يضربوكي
بكل سكين
….بحبك …يابلدي.