أدب
انسان برئ بقلم ثناء عوده
بقلم // ثناء عوده
عايز تمشي امشي
قطع خيوط الود
انس وعودك بالأمان
وعهود قطعتها للنسيان
رسمنا طريق اتجاه واحد
مسبتش فيه طريق للعوده
طريقنا معاكس خلف خلاف
تيجي ترجع اكون مشيت
حطم بكلماتك نبض قلبي
ليقطع اخر نفس ليك فيا
دغدغ مشاعري الأسيره
وارفض كمان وكمان
لالفظك لواحه النسيان
دمر قصور رملنا
وخطي على انقاض حبنا
سمعني كلام أسي
وابعد كفوفك عن حضني
حطم ضلك في خيالي
واهرب بخيالك لقصر تاني
وارسم معاه اللي هديته
وحقق احلامي فيها
وقول انك أخيراً عشت
وتخيلني في احضانها
وكمل اتجاهك التاني
بس ياريت ما تنساش
ان في بينا انسان برئ
من حقه عليك تفكر فيه
وتبنيله غرفه في قصرك
ولا خلاص معدش ينفع
ردمت ع الماضي بكل ما فيه
وظلمت انسان برئ
ملوش ذنب غير انه حته منك .
