كتبت /إيمان صلاح
فيرا زولوتاريفا مصممة أزياء روسية حاصلة علي درجة الماستر في تصميم الازياء
أحبت مصر عند زيارتها لرحلة سياحية و تمنت من الله ان تعيش في مصر،و فعلا هاجرت وتزوجت وعاشت بمصر ،
تحكي لنا عن ذكرياتها مع الكريسماس في سيبيريا أقصي شمال روسيا حيث عاشت وتربت ،
تقول فيرا إن البرتقال واليوسفي المصري هي اجمل طقوس الكريسماس في سيبريا حيث لابد من وجودهما بجانب شجر الكريسماس،
حيث يتفنن الناس في سيبيريا في تقديم البرتقال واليوسفي المصري في هدايا اعياد الميلاد .
وتقول فيرا “أيام الإتحاد السوفيتي في راس السنة كان كل موظف حكومة له هدية عبارة عن 3 باكو شيكولاته صغيرين وباكو كبير أوي وبنبوني كلهم روسي وبرتقالاية واحدة فقط مستوردة مصرية.. حكيت ده لبنتي قعدت تضحك أسبوع على موضوع البرتقانية المصرية الواحدة..
قلت لها بالنسبة لك البرتقانة دي عادية بتضحك لكنها كانت بالنسبة لنا اجمل من الشيكولاته، لان طعمها جميل جدا، ومفيدة جدا، ولإنها مستوردة من مصر.. بنقدر نصنع الشيكولاتة في مصانعنا لكن ما نقدرش نزرع برتقالة واحدة زيها في أرضنا..
دايما بفكر ليه العرسان في مصر بياخدوا للعروسة هدية بوكيه شيكولاته مش بوكيه برتقال؟!
دلوقت هدايا راس السنة الروسي بقى فيها أكتر من برتقالة واحدة مصري زي ال في الصور.. كلها صور لهدايا راس سنة في روسيا.. الروسيين بيبدعوا في طرق تقديم البرتقال واليوسفي المصري الهدية من حبهم فيه.. البرتقال المصري أغلى وأجمل وأطعم هدية عندنا”.
